Kryeministri Edi Rama ditën e sotme u shpreh se qytetarët që kanë humbur punën, dhe bizneset e vogla që janë mbyllur për shkak të koronavirusit, të mos paguajnë qeratë e tyre.
Thirrja e Ramës ishte dhe për qeramarrësit, që sipas tij duhet të mos bëjnë presion, ndryshe do të gjobiten nga ana e shtetit, me pesëfishin e çmimit të qerasë.
Por ndryshe nga qeratë, Rama u tregua i prerë për ujin e dritat, që tha se duhet ti paguajnë të gjithë, në të kundërt do ti priten.
Partia Demokratike përmes Dorjan Telitit, i cili nëpërmjet rrjeteve sociale shkruan se ka denoncuar këtë qëndrim të mbajtur nga ana e kryeministrit.
Postimi i plotë:
Qera mos paguani ama drita dhe uje po. Cfare shteti eshte ky? Kur vjen puna te faturat Rama thote me dhune do ti paguani se me duhen leket…ama qirate mos i paguani!
Po dje Rama bëri thirrje për të gjithë punëtorët që kanë qenë në të zezë të denoncojnë pronarët e tyre, pa llogaritur se kjo mund të çojë në humbjen e punës së tyre, nëse situata kthehet në normalitet së shpejti.
Tentoi të arratisej pas një grabitje, plagoset nga policia 33-vjeçari shqiptar në Itali –
Një 33-vjeçar shqiptar ka mbetur i plagosur nga policia italiane. Ai është plagosur, nga blutë pasi tentoi ti arratisej policisë. Mediat italiane shkruajnë...
