Në celularët e prindërve të nxënësve të shkollës jopublike “Omiros” në Korçë ka mbërritur një mesazh nga drejtoria e shkollës që i ka alarmuar të gjithë, pasi një arsimtar ka rezultuar me koronavirus.
Abcnews.al mëson se bëhet fjalë për një mësues grek. Ai ndodhet në Greqi dhe po mjekohet atje.
Gazetarja e Abc News, Lediona Xheladinaj është prind i një prej nxënësve dhe pas lajmit ajo dhe familja e saj u vëtëkarantinuan.
Xheladinaj raporton se është skandaloze që prindërit dhe nxënësit njoftohen 4 ditë me vonesë nga momenti kur arsimtari ka dalë pozitiv.
“Mësuesi i prekur që është konfirmuar pozitiv në shtetit grek është mësues i gjendjes së mashkullore, por nuk bëhet i ditur identiteti i tyre. Ka qenë një mesazh që na ka informuar nga mësuesit kujdestarë të shkollës. Është panik, pasi ende nuk e dime për kë bëhet fjalë ajo që na takon të dimë është që të dimë se kemi pasur apo jo kontakt me këtë mësues. Janë reagime të ashpra nga grupi i prindërve që janë pjesë e grupit. Pak minuta më parë unë kam pas kontakte me disa persona që dy fëmijë kanë qenë të shtruar me temperaturë të lartë por nuk dihet se si do të shkojë situatë në këtë shkollë të mesme. Unë ende nuk kam marrë kontakt me fëmijën pasi është tek gjyshërit, por më lejo të theksoj faktin se mësuesi i infektuar ka qenë me datë 10 në Shqipëri dhe më pas, pasi u mbyll shkolla ai është larguar për në shtetin fqinj”, ka thënë gazetarja e ABC News.
Në njoftimin e shkollës citohet, se “Omiros” u mbyll 4 ditë përpara se mësuesi të shfaqte shenjat. Po ato pak orë para urdhrit të Ministrisë së Arsimit mësuesi ka patur kontakt me shumë nxënës apo kolegë.
Në një lidhje me redaksinë e Abc Neës, gazetarja Lediona Xheladinaj shpjegoi se lajmin për një mësues të prekur me koronavirus në shkollën “Omiros” e kishin marrë nga një mesazh. Ndërkohë ajo ka theksuar faktin se mësuesi ka qenë me koronavirus dhe ka dhënë mësim para nxënësve ndërsa sipas saj ajo që i shqetëson më së shumti kolegët është fakti se nuk e dinë se për kë mësues bëhet fjalë.
Në fund të lidhjes, moderatorja Sibora Bitri i komunikoi asaj urdhrin e redaksisë që të vetëkarantinohet.
“Doja të të komunikoja urdhrin e redaksisë së Abc News: Ti do të qendrosh në shtëpi. Duhet të punosh nga shtëpia. Është për sigurinë tënde dhe familjarët e tu”, tha ajo.
Mbetet për t’u parë se cili do të jetë reagimi i Drejtorisë Arsimore të Korçës dhe ministrisë së Shëndetësisë ndaj kësaj situate pasi qindra prindër janë të alarmuar. /abcnews.al
