OBSH-ja theksoi sot se kishte një mundësi reale për të ndaluar përhapjen në botë të koronavirusit të ri, që e quajti tashmë zyrtarisht “COVID-19”.
“Nëse ne investojmë tani ne kemi një mundësi reale për të ndaluar këtë epidemi”,deklaroi drejtori i përgjithshëm i Organizatës Botërore të Shëndetësisë, Tedros Adhanom Ghebreyesus, në një konferencë shtypi në Gjenevë, ku ndodhet dhe selia e OBSH-së.
Ai njoftoi gjithashtu se koronavirusi i ri do të emërtohet tani COVID-19 pasi ishte quajtur përkohësisht “2019-nCoV”.
“Emri i ri u zgjodh në mënyrë që të jetë më i lehtë për t’u shqiptuar”, nënvizoi ai.
Ai shpjegoi se “CO” nënkupton corona, “VI” virus dhe se “D” ishte zgjedhur për “sëmundjen”, Shifra 19 thekson vitin e shfaqjes (2019).
Transkiptimi zyrtar i OBSH-së i vë të gjitha gërmat kapitale.
Rreth 400 shkencëtarë nga mbarë bota filluan sot një takim dy ditor, nën drejtimin e OBSH-së, i destinuar për intensifikimin e luftës kundër kësaj sëmundjeje./ATSH/
