“Hartën tonë identitare, e kemi plotësuar vetëm nëse çështja shqiptarëve të Çamërisë merr një zgjidhje europiane”
“Varfëria dhe ndarjet historike kanë punuar kundër shqiptarëve” tha kryetari i PDIU-së Shpëtim idrizi gjatë takimit me elektoratin ën Durrës. Në takimin e zhvilluar e strukturat e kësja partie në Durrës, Idrizi ka sqaruar retorikën që drejtuesit e kësja partie për bashkimin kombëtar. “Ne nuk po shpikim sot një Shqipëri, kur flasim për bashkimin kombëtar. Jo! Ne sot po rikujtojmë, po flasim dhe do flasim vazhdimisht për hartën identitare të kombit shqiptar dhe harta jonë identitare është shumë më e madhe se sa kjo që ne perceptojmë në shtëpinë tonë, lagjen, oborrin, fshatin apo qytetin ku jetojmë sot”, u shpreh kryetari i PDIU-së.
Sipas tij harta identitare e Shqipërisë do të plotësohet kur të marrin fund promblemet e shqiptarëve që jetojnë jashtë kufijëve. “Ne, hartën tonë identitare, e kemi plotësuar vetëm nëse çështja shqiptarëve të Çamërisë merr një zgjidhje europiane. Ne, hartën identitare të kombit, e plotësojmë duke marrë të drejtat shtetformuse shqiptarët në Maqedoni, duke ruajtur të drejtat ekzistuese, shqiptarët në Mal të Zi. Por, duke filluar që nga ekonomika, kultura, legjislacioni, heqja e barrierave doganore, një Shqipëri e cila është shumë e fuqishme dhe që ka një treg të madh”, – tha Idrizi.
Ndërsa deputetja, Mesila Doda, tha se PDIU do të hapë dyert për gratë dhe vajzat dhe theksoi se shqiptarët ikin jashtë, për shkak të arrogancës së partive të mëdha. “Të dashur miq, shqiptarët ikin se vazhdojnë të vuajnë arrogancën e partive të mëdha, që kanë 25 vjet që i votojnë. Ne sot vijmë me një alternativë të re dhe alternativa është kjo: Nuk kemi lënë asnjë kauzë për të cilën jemi zotuar, në mes.
Kemi premtuar që do të zgjidhim çështjen çame dhe e kemi çuar përpara, kemi premtuar që do merremi me dekomunistizimin, kemi çuar 5 ligje në parlament dhe do çojmë akoma sepse mendojmë se ky vend ka nevojë për një shkundje. Kemi premtuar që do bëjmë një Atdhe më të mirë dhe unë mendoj se prania e zonjave dhe grave do jetë shembulli i shkëlqyer se si do të ndryshojë ky vend. Ne do të vazhdojmë të mbështesim 50% të grave dhe vajzave në forumet tona drejtuese. Do të vazhdojmë të hapim dyert për gratë dhe vajzat, të rinjtë e të rejat që duan të jenë pjesë e PDIU-së. Sot kemi nevojë për një alternativë të re, për një realitet të ri, unë e zgjedh PDIU-në për të qënë pjesë e këtij realiteti të ri”, – u shpreh znj. Mesila Doda.
