Nënkryetari i Partisë Demokratike Edi Paloka ka reaguar për Paketën Anti-shpifje, që pritet të dërgohet nesër për votim në Kuvend.
Përmes një postimi në Facebook, Paloka ka akuzuar Ramën se po i përdor të huajt atëherë kur i duhen ndërsa bën veshin e shurdhër kur nuk i pëlqen qëndrimet e tyre.
Postimi i Palokës:
Rama po vërteton se fundmi dhe një fakt ( që unë e kam deklaruar kohë më parë); ai i përdor “të huajt” atëherë kur i duhen apo kur i shkojnë pas fijes, por i bën veshët shurdh kur qëndrimet e tyre nuk i pëlqejnë.
Kështu, i njëjti që ka për borxh të të përmendi dhe deklarata të përkthyesve të ambasadave kur i leverdis, as nuk i dëgjon e as nuk reagon ndaj qëndrimeve të institucioneve qëndrore ndërkombëtare.
Këtë po bën Rama dhe me ligjin për censurimin e mediave që kërkon me patjetër ta kalojë nesër në atë palo parlament megjithëse janë me dhjetra organizatat ndërkombëtare që e kanë kundërshtuar përfshirë dhe OSBE apo Komisionin Evropian.
Po mbase Rama nuk i konsideron të mirëqena deklarimet dhe qëndrimet nga qëndrat e këtyre organizmave ndërkombëtare, nëse nuk reagojnë përfaqësitë e tyre diplomatike në Tiranë…!
