Zbulohen emrat e katër të arrestuarve nga Vlora të përfshirë në transportin e sasive të mëdha të drogës nga Shqipëria, përmes Greqisë në Turqi.
Sipas Syri.net 4 të arrestuarit, që të gjithë nga Vlora janë Aleksandër Brozi, 25 vjeç, Hajri Shehaj 42 vjeç si dhe dy persona të tjerë të identifikuar si Gjergji 35 vjeç dhe Dalipaj 42 vjeç.
Njëri prej tyre, 42 vjeçari Shehaj, rezulton të jetë banor i lagjjes së famshme në qytetin bregdetar “Çole”.
Tre nga të arrestuarit do të dalin përpara gjykatës në Mitiliny ndërsa një nga të arrestuarit në Volos.
Sipas gazetës së famshme greke, “Kathimerini”, pas drogës fshihet një rrjet trafikantësh shqiptaro-italiane që transportonin hashash nga Shqipëria në Turqi dhe e këmbenin me heroinë.
