Kapen në flagrancë me lëndë narkotike, arrestohen dy persona në Sarandë

Dy shtetas kanë rënë në prangat e Policisë së Sarandës dhe një i tretë është proceduar në gjendje të lirë pasi akuzohen për prodhim dhe shitje të lëndëve narkotike.
Gjatë kontrollit të ushtruar në në automjetin me të cilin këta shtetas udhëtonin, u gjet dhe u sekuestrua një sasi lënde narkotike.
Njoftimi i policisë së Sarandës:
Sarandë
Policia ka arrestuar në flagrancë dy shtetas dhe ka proceduar në gjendje të lirë një tjetër për “Prodhim dhe shitje narkotikësh”.
Arrestohen shtetasit:
Xh. K., 21 vjeç, banues në Sarandë.
S. L., 32 vjeç, banues në Elbasan.
Procedohet në gjendje të lirë shtetasi:
D. A., 19 vjeç, banues në Konispol.
Seksioni për Hetimin e Krimeve Sarandë kanë bërë të mundur kapjen e këtyre shtetasve në lagjen nr.4 pranë repartit, pasi gjatë kontrollit të ushtruar në automjetin me të cilin këta shtetas udhëtonin, u gjet dhe u sekuestrua një sasi lënde narkotike e dyshuar e llojit canabis sativa.
Materialet iu referuan Prokurorisë në ngarkim të tyre për veprime të mëtejshme.