Nënkryetari i PD, Edi Paloka, ka reaguar ndaj kërcënimeve që kreu i qeverisë Edi Rama i bëri dje sërish qytetarëve për të mos protestuar kundër zgjedhjeve më 30 qershor.
Paloka ka publikuar një video, në të cilën shkruan me sarkazëm: “Rama kërcënoi dje shqiptarët të mos luajnë me zjarrin… ndryshe do të përballen me grushtin e fuqishëm të Edvinit”.
Rama tha dje: “Nuk duam të shohim askënd prapa hekurave…Do të jemi të vërtetë dhe do t’u themi sa keq përfundon një njeri që dhunon të drejtën zgjedhjore. Shkon deri aty sa i pengon vetes dhe familjes lirinë për lëvizje në SHBA, po ashtu edhe të hyrjes në BE.”
