Protestuesit kanë mbërritur tek Drejtoria e Policisë së Tiranës. Protestuesit duket se po e nxjerrin inatin tek policia, për shkak të arrestimeve të shumta.
Disa protestues kanë qëlluar me gurë, duke thyer xhamat e drejtorisë së Policisë së Tiranës.
Policia e Shtetit deklaron se një efektiv policie ka mbetur i lënduar pas hedhjes së kapsollave tek Drejtoria e Përgjithshme e Policisë. Policia iu bën thirrje drejtuesve të protestës dhe vetë protestuesve të ndalojnë goditje provokuese.
Ky është destinacioni përfundimtar i marshimit të sotëm të protestuesve opozitarë.
20:20 Kreu i opozitës Lulzim Basha së bashku me protestuesit kanë nisur marshimin drejt Ministrisë së Brendshme.
Edhe në ndalesën tek Ministria e Brendshme, pas kryeministrisë dhe Drejtorisë së Përgjithshme të Policisë, protestuesit janë ndalur pa fjalime politike nga liderët e opozitës, dhe kanë hedhur fishekzjarrë ndaj godinës dhe efektivëve të vendosur në një kordon rreth institucionit për sigurinë e tij.
© SYRI.net
