Një 18 vjeçar ka humbur jetën ditën e djeshme në një aksident tragjik në Tetovë. Në aksidentin tragjik janë plagosur edhe katër persona të tjerë.
“Aksidenti ka ndodhur kur dy makina, njëra e tipit Audi e drejtuar nga 17 vjeçari, dhe Renault megan e drejtuar nga 19 vjeçari. Pas ndeshjes, ka humbur jetën Sh.L. i cili ka qenë bashkudhëtare në makinën Audi. Bashkudhëtari i dytë në këtë makinë ishte një 16 vjeçarë i cili ka marrë lëndime të rënda dhe është dërguar në Qendrën spitalore në Shkup.
Dy shoferët janë në spitalin e Tetovës. Pas dhënies së ndihmës së parë, shoferi i makinës Audi është dërguar në shtëpi, kurse 19 vjeçari i cili ka drejtuar makinën Renault është dërguar në spitalin e Tetovës për mjekim. Në makinën Renault kishte edhe tre bashkudhëtare, të cilët nuk kanë pasur lëndime. Ekipi i SPB-së po kryen hetimet për të zbardhur arsyet e aksidentit”, njofton policia e Tetovës.
