Kryeministri i vendit Edi Rama po mban një konferencë me gazetarët në kryeministri lidhur me protestën e opozitës mbrëmjen e djeshme.
Rama tha se para tetë vitesh vriteshin qytetarë të pafajshëm dhe rriheshin masivisht protestuesit nga FNSH.
“Shikoni se sa mirë dhe se sa me dinjitet sillet dhe punon sot Policia e Shtetit, sepse e shkuara na ka rezervuar kujtime shumë të rëndës dhe që nuk kanë lidhje me asnjë standard dhe asnjë vlerë të funksionimit të një shteti në një rend demokratik. E quaj incident.Më detyron tu kujtoj se kjo godinë para pak kohësh, nuk u qëllua me asnjë guricke dhe jo më me bomba dhe me zjarr dhe nga kjo godinë u urdhërua vrasja e katër protestuesve të pafajshëm”, deklaroi Rama.
Lidhur me arrestimin e Sekretarit Organizativ të PD Sahit Dollapit, Rama tha se në vende me demokraci më të zhvilluar se e jona do e kishte pësuar shumë keq.
“Sahit Dollapin e rrahën me shkop gome, se i iku policisë me vrap. Në vende me demokraci më të zhvilluar se e jona do e kishte pësuar shumë keq”, u shpreh Rama lidhur me arrestimin e Sahit Dollapit.
