Çerelfinalja e parë e Europa League, midis Dortmundit dhe Liverpulit, u sfumua disi nga pikpamja teknike, duke u fokusuar më shumë në kthimin e Jurgen Klop në shtëpinë e tij të vjetër. Gjithçka ndodhi 320 ditë pas ndeshjes së fundit si trajner i verdhezinjve, në stolin e të cilëve ka qëndruar për shtatë vjet, nga viti 2008 deri në 2015. Dhe çfarë kthimi, njëlloj si një “mbret” në fronin e tij të dikurshëm. Këtë rradhë në stolin e Liverpulit, për t’u ndeshur në Dortmundin, skuadra të dy qyteteve që futbollin e kanë “fe” dhe spektakli në shkallët e stadiumeve respektive është gjithmonë të grantuar.
Kështu që ndodhi ajo që pritej. Klop u mbulua me të gjithë dashurinë e ish-tifozëve të tij, të cilët e kishin ruajtur pothuajse të njëjtë, ndërsa të dy skuadrat ua shpërblyen në fushën e lojës. Ishte një 90 minutësh që u përshtat më së miri me shfaqen e tribunave, duke ruajtur në përgjithësi një ritëm shumë të lartë dhe në fund vendosën për një 1-1, golat e Origit në pjesën e parë, dhe të Humels, jo shumë kohë pasi skuadrat u kthyen sërish në fushë. Ndërkohë që të dy tifozeritë bashkëpunuan edhe për një tjetër lloj spektakli, tashmë për të protestuar për çmimin e lartë të biletave, të vendosura nga organizatorët. Liverpul dhe Dortmund “never ëolk alone”, madje të gjithë kënduan himnin e përbashkët për mirë dhe për keq.
