Ministrja e Drejtësisë, Etilda Gjonaj i ka treguar vendin përsëri sot Zërit të Amerikës dhe i ka kërkuar medias publike Departamentit të Shtetit të verifikojë dosjen e rekrutimeve të punonjësve në Burgje. Gjonaj ka thënë në një konferencë për shtyp: “Është çështje shumë e rëndësishme dhe jam e vendosur ta mbroj deri në fund me përgjegjësi maksimale, sepse besoj se ka qenë procesi më meritokratik, transparent dhe cilësor në historinë e sistemit penitenciar”.
Prandaj, meqë bëhet fjalë për një proces të tillë meritokratik, i cili e ka bërë edhe vetë vajzën e lindur në Pukë ministre, ajo i tregon Zërit të Amerikës të Washington-it se i ka prishur indiciet: “VOA nuk mori në konsideratë qëndrimin e Ministrisë së Drejtësisë dhe as argumentet që unë prezantova lidhur me këtë proces, por rikonfirmoi qasjen totalisht të gabuar lidhur me të dhënat e dosjes hetimore. U shpreh për prova që gjendeshin në dosjen hetimore, pa marrë parasysh se ato prova janë indicie, që do t’i japin mundësinë Prokurorisë për të hetuar më tej lidhur me çfarë kanë dalë nga përgjimet”.
