Ish-kryeministri Berisha, foli për herë të parë në “A-Show” në News 24 për skandalin e abuzimit me Unazën e Re. Adi Krasta u interesua se cila është arsyeja që Berisha nuk e përmend kompaninë, e cila është përfshirë në këtë çështje.
Adi Krasta: Pse nuk keni folur asnjëherë për Ulajn kohët e fundit, për kompaninë dhe për marrëdhënien e falsifikimit dhe situatën shumë problematike të kompanisë së tij?
Sali Berisha: E para, nuk besoj të mos kem folur. E dyta, është një ngjarje tepër e shëmtuar dhe di që ka një hetim në Shqipëri e në SHBA. Uroj dhe besoj që përgjegjësit e atij mashtrimi të vihen para ligjit. Ndonëse kam bindjen që përgjegjësi kryesor është Edi Rama me Damian Gjiknurin.
