Ministri i jashtëm i Greqisë Nikos Kotzias e dha dorëheqjen pas disa mosmarrëveshje me ministrin e mbrojtjes Kammenos, kryetar i partisë “Grekët e Pavarur”. Panos Kammenos e akuzoi Kotzias për keqpërdorin të fondit sekret, fjala është për fonde që përdoren për informacione diplomatike. Ka edhe një akuzë nën zë në Greqi se Kotzias i përket grupit Sorosit dhe lobi greko-amerikan kishte shfaqur shqetësimet e tija për punën e dobët të Nikos Kotzias. Tani mund të themi se Marrëveshja e Prespës është në rrezik të realizohet si në Shkup, ashtu edhe në Athinë. Por edhe bisedimet maratonë dhe marrëveshjet me Shqipërinë të ujërave dështuan, Greqia në realitet i realizoi kërkesat e saj ndaj Shqipërisë. Bushati ia dha të gjitha Kotzias dhe nuk mori asgjë përveç ushqimit falas dhe valles së Kretës.
Duket qartë se në dorëheqjen e Kotzias ka gisht edhe një palë e tretë. Realisht Kotzias ka dështuar si ministër i jashtëm i Greqisë në marrëdhëniet me Shqipërinë, Maqedoninë, Turqinë dhe Kosovën. Ai i ka paraqitur raportet me këto vende tek Aleksis Tsipras kallpe, pra e paraqiste veten si një njeri me influencë tek politikanët e këtyre vendeve duke pretenduar se Greqia është Lidere në Ballkan. Tezë që me zor mbahet në këmbë vetëm prej Edi Ramës, Ditmir Bushatit.
Pas dorëheqjes së Nikos Kotzias do kemi ngrirje të marrëveshjeve politike të Greqisë me vendet fqinje, si dhe zgjedhje të parakohshme në disa vende të Ballkanit, përfshirë edhe Greqinë.
