Nga Bledian Koka
Vetting-u si Rilind-g
Vetting-u ka hyrë në fazën e vet më qesharake. Prokurorja e disa lajthitjeve të Edi Ramës si p.sh. shkatërrimi i Agon Channel apo arrestimi i Xhelal Mziut vetëm e vetëm për ta goditur në prag të zgjedhjeve lokale, ia hodhi pa u lagur kontrollit të pastërtisë së figurë.
Si pasojë e bindjes së verbër ndaj urdhrave të catrafilosur të Ramës, dhe të ndjekur verbërisht nga prokurorja Sevdari, Shqipëria rrezikon të paguajë qindra milionë Euro në arbitrazh ndaj Franchesco Beghettit, ndërsa tentativa e verbër për ta zhbërë politikisht Xhelal Mziun rezultoi një flluskë sapuni që u mbyll me shpalljen të pafajshëm të kryebashkiakut të Kamzës. Do të mjaftonte kaq që Vetting-u ta kapte për leckash prokuroren në fjalë dhe të tjera si ajo dhe t’i flakte nga sistemi i drejtësisë, por shërbimi i verbër ndaj pushtetit, mesa duket paguhet njëherë e mire nga Rilind-gu.
Megjithëse në dosjen e deklarimit të pasurise Antoneta Sevdari kishte 3 flamuj të kuq, për të cilat minimalisht komisioni duhet të hetonte më shumë, e minimalisht duhet të ishte po aq rigoroze sa edhe në rastet e tjera sot do të kishim një ushtar më pak të Rilindjes në sistemin e drejtësisë, por qartazi Vetting-u ka çdo synim tjetër veç kësaj.
P.S…Ndërsa ujku i Rilindjes i është turrur njëherë e mirë mëlçive të drejtësisë, delet e opozitës janë shtrirë barkas në zheg…
