Suedezi Zlatan Ibrahimoviç ka sfiduar anglezin Bekam pak orë para se dy kombëtaret e tyre të përballen në Rusi.
“Nëse Anglia fiton unë të jap një drekë ku të duash ti në të gjithë botën, por nëse Suedia fiton ti do më blesh çfarë të dua nga IKEA. Në rregull?”, ka shkruar suedezi në Instagram.
E menjëhershme ka qenë edhe përgjigjia e Bekam. “Nëse Suedia fiton, do të kujdesem personalisht të të çoj për të blerë çfarë të duash te IKEA. Nëse fiton Anglia, dua të vish të shikosh një ndeshje të Anglisë në Wembley, ku do mbash veshur bluzën e Anglisë dhe të shijosh peshk dhe patate”, ka shkruar Bekam.
36-vjeçari, Ibrahimovic nuk u përfshi në formacionin e Suedisë këtë Botëror edhe pse ai më herët pati deklaruar se do të thirrej pasi sipas tij, “Një Kupë e Botës pa të, nuk është Kupë Botë”.
