Zakonisht në media lexojmë vetëm intervistat që jepen, por një intervistë e padhënë ndodh që të zbulojë shumë më tepër përgjigjie. Minsitrja e Drejtësisë, Etilda Gjonaj ka pranuar të intervistohet nga gazetarja e Deutche Welle, Anila Shuka, vetëm me kushtin që të mos e pyeste për Saimir Tahirin dhe Fatmir Xhafajn.
Gazetarja ka zgjedhur të mos e bëjë këtë kompromis. Ajo ka publikuar përmes një statusi në Facebook pyetjen që kishte programuar, ndërsa heshtja e ministres është një përgjigjie.
Gazetarja shkruan:
Sa e besueshme është reforma e gjyqësorit në Shqipëri, pra Vetting-u, po të kemi parasysh rastet tejet të çuditshme te Fatmir Xhafajt dhe Saimir Tahirit?
Këtë pyetje doja t’ia shtroja ministres së drejtësisë, ne nje intervistë që kishim lënë për dje pasdite.
Për fat të keq, ministrja paskësh pasur përfytyrime të tjera për intervistën, dhe tha se mund të jepte intervistë vetëm nëse nuk do ta pyesja për dy personat ne fjalë.
Do të ishte shkelje e etikës gazetareske ta pranoja këtë kusht.
