Presidenti Meta i ka dhënë plotfuqishmërinë ministrit të Jashtëm, Bushati për të vijuar marrëveshjen e detit me Greqinë. Ky vendim është komentuar nga ish-ministri i Drejtësisë, Ylli Manjani, i cili thotë që “për çështjet e tjera (Çamëri, lëvizja e lirë, kufiri tokësor, toponime e kështu me radhë), fuqia mbaroi…”
Me ironi, Manjani shton se i vetmi vend, ku Kushtetuta të mund t’i mbijetojë kohës është muzeu.
“Presidenti mbushi me plot me fuqi ministrin e Jashtëm.
Të merret vesh me grekët për detin!
Për çështjet e tjera (Çamëri, lëvizja e lirë, kufiri tokësor, toponime etj.), fuqia mbaroi…
Prishur mos qoftë!
Të na rrojë vendimi i Gjykatës Kushtetuese së bashku me Kushtetutën!
Për më shumë jetëgjatësi, sugjeroj t’i çojmë në muze! Shpresoj të ketë ndonjë copëz vend…”, shkruan Manjani.
U thirr në SPAK dy ditë më parë, deputeti socialist Jurgis Çyrbja dorëzon mandatin
Deputeti i Partisë Socialiste, Jurgis Çyrbja ka dorëzuar mandatin e deputetit, dy ditë pasi u paraqit në Prokurorinë e Posaçme....
