Sipas komenteve më të fundit të Athinës zyrtare dhe deklaratave të Ramës, ka tre rrugë:
- Gënjen Athina dhe Çështja Çame është hapur në bisedime.
- Gënjen Edi Rama dhe Çështja Çame nuk është hapur në bisedime.
- Ditmir Bushati tjetër i thotë Ramës, tjetër i thotë Kotzias–it.
Gazetat “Kathimerini” dhe portali “Greek Reporter” shkruajnë se kryeministri shqiptar është shprehur në Vizion Plus se Çështja Çame po diskutohet.
Sipas tij, kjo mbetet një nga çështjet më të mprehta mes Athinës dhe Tiranës.
“Do të insistojmë, sepse është një çështje shqiptare”, tha Edi Rama. “Po flasim për shtetas shqiptarë që në të shkuarën kishin pasuri në shtetin grek, të cilët kanë kujtime të hidhura.”
Por, të premten në mbrëmje ka reaguar Athina. Ministri i Jashtëm alternativ, Jorgos Katrougalos i kundërshtoi komentet e Ramës.
“Gjithkush kërkon të pasurojë interesat e tij kombëtare, por ne kurrë nuk do e pranojmë ekzistencën e një Çështje Çame.”, tha ai.
Më herët ishte ministri i Jashtëm grek, Nikos Kotzias që tha se nuk është diskutuar Çështja Çame. Por, kryeministri Edi Rama thotë: “Kotzias nuk e paska dëgjuar mirë. Pala shqiptare e ka kërkuar intensivisht Çështjen Çame në tavolinë.”, tha Rama.
Sipas komenteve më të fundit të Athinës zyrtare dhe deklaratave të Ramës, ka tre rrugë:
- Gënjen Athina dhe Çështja Çame është hapur në bisedime.
- Gënjen Edi Rama dhe Çështja Çame nuk është hapur në bisedime.
- Ditmiri tjetër i thotë Ramës, tjetër i thotë Kotzias-it.
