Edhe pse kanë kaluar 6 vjet nga publikimi i rezolutës për Çamërinë në fletoren zyrtare, Shoqata Patriotike Çamëria e ka ripublikuar këtë rezolutë ku e cila do të ishte mbuluar nga harresa pa këmbënguljen ndaj maxhorances të 2013 që ushtroi Kryetari i PDIU-së Z. Shpëtim Idrizi.
Përmes një postimi në facebook, Shoqata Patriotike Çamëria bën me dije se kjo rezolutë detyron qeverinë Shqiptare ta shtrojë çështjen Çame në çdo takim bilateral me Greqinë dhe në institucionet ndërkombëtare, por Rama dhe Ministri i Jashtëm refuzojnë të zbatojnë detyrimet që i ngarkon Rezoluta.
Postim i plotë
Kanë kaluar 6 vjet nga publikimi i rezolutës për Çamërinë në fletoren zyrtare (QBZ) dhe fatkeqësisht janë jo pak ata që dyshojnë mbi ekzistencën e kesaj rezolute dhe janë jo pak ata që qëllimisht mohojnë ekzistencën e saj.
Për të gjithë ju po e ri-publikojmë këtë rezolutë dhe po ju kujtojmë që Rezoluta do të ishte mbuluar nga pluhëri i harresës pa këmbënguljen dhe presionin ndaj maxhorances të 2013 që ushtroi Kryetari i PDIU-së Z. Shpëtim Idrizi.
Fatkeqësisht kjo rezolutë edhe pse detyron qeverinë Shqiptare ta shtrojë çështjen Çame në cdo takim bilateral me Greqinë dhe në institucionet ndërkombëtare, Kryeministri Rama dhe Ministri i Jashtëm refuzojnë të zbatojnë detyrimet që i ngarkon Rezoluta.
