Edi Paloka, nënkryetari i Partisë Demokratike, ishte i ftuar në Ditarin e orës 13:00, u shpreh se pas dekretit të Metës nuk ka më zyrtarisht një datë zgjedhjesh në Shqipëri.
Nënkryetari i PD theksoi se në 30 qershor nuk votojnë qytetarët duke shtuar se të vetmit që mund të votojnë janë administrata e kërcënuar.
“Përveç administratës, e cila po të detyrohet, nën kërcënim, të shkojë të marrë pjesë në këtë farsë të fëlliqur, asnjë tjetër nuk shkon. Madje, shumë socialist kanë deklaruar edhe publikisht. Praktikisht Rama po konsumon një grusht shteti dhe pas 30 qershorit synon të vendosë diktaturën. Këtë e ka thënë me gojën e palaçove të tij”, tha Paloka.
