Sekretarja e Përgjithshme e PDIU-së, Mesila Doda tha se PIDU është në prag të një marrëveshje me Lulzim Bashën për zgjedhjet e 25 prillit për të qenë në një koalicion, ndërsa tha se palët kanë firmosur që Çështja Çame të jetë pjesë e programit qeverisës nëse opozita fiton zgjedhjet.
Ajo i bëri këto pohime në emisionin “5 pyetje nga Babaramo“. Mesila Doda shtoi se po shikohet mundësia që PDIU të dalë me përfaqësuesit e saj në pesë qarqet që ka më shumë elektorat.
“Ne jemi në mes të negociatave dhe të kemi mundësi të maksimilizojmë votat dhe të kemi kandidatë të mirë dhe të fitojë opozita, ku të paktën në pesë qarqe që PDIU është e fuqishme në elektorat të ketë përfaqësuesit e saj”.
