Maqedonia e Veriut ka publikuar shifra tepër të lartë të koronavirusit në 24 orët e fundit në vend.
Dje ishin 371 raste të reja dhe 8 viktima, ndërsa sot u raportuan 415 raste pozitive dhe 19 viktima, një rritje e madhe kjo ppërgjatë një dite.
Nga viktimat, 11 janë nga Shkupi, 2 nga Tetova dhe nga një viktima në Kumanovë, Prilep, Veles, Kërçovë, Ohër dhe Gjevgjeli. Në Maqedoninë e Veriut deri më tani me COVID-19 janë diagnostikuar 98.584 persona dhe prej tyre 3.037 e kanë humbur jetën, 89.022 janë shëruar, ndërsa raste aktive janë 6.525 persona.
Nga ana tjetër në Greqi janë regjistruar 1460 raste të reja (1400 dje) dhe 28 viktima (27 dje). Ministria e Shëndetësisë atje bën me dije se gjatë 24 orëve të fundit, 325 pacientë ndodhen në intubim.
