Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Fotografitë e rralla të mbërritjes dhe largimit të Mbretit Zog dhe Mbretëreshës Geraldinë nga Stambolli, në shtypin francez

Nga Media 0

Nga Aurenc Bebja

Largimi i familjes mbretërore shqiptare nga atdheu, si arsye e pushtimit fashist, ka ngjallur një interes të veçantë në shtypin francez të kohës.

Gazetat Paris-soir (maj, 1939) dhe L’Intransigeant (korrik, 1939) kanë botuar fotografitë e rralla të Mbretit Zog dhe Mbretëreshës Geraldinë gjatë mbërritjes dhe largimit të tyre nga Stambolli.

Aurenc Bebja, nëpërmjet blogut të tij “Dars (Klos), Mat – Albania”, i ka sjellë ato për publikun shqiptar:

Paris-Soir (E Djelë, 7 maj 1939): Mërgimi emocionues mbretëror

Burimi : gallica.bnf.fr / Bibliothèque nationale de France

Asnjë dokument nuk kishte ardhur që nga ngjarjet dramatike në Shqipëri. Mbretëresha Geraldinë, e cila sapo ishte bërë nënë, e sëmurë, u desht të linte me ngut mbretërinë e saj. Mbreti Zog shkoi pranë saj. Sot, ajo është shëruar plotësisht. Së bashku, ata gjenden në vendin e ri të mërgimit të tyre : Stamboll.

Burimi : gallica.bnf.fr / Bibliothèque nationale de France

Djali i mbretëreshës Geraldinë, ende në gjumë, i bartur nga infermierja e tij, arrin në tokën turke.

Burimi : gallica.bnf.fr / Bibliothèque nationale de France

Disa momente më vonë, gruaja e re e mban ende nën kujdesin e saj të vëmendshëm.

L’intransigeant(E shtunë, 8 korrik 1939): Rrugës për në Francë

Burimi : gallica.bnf.fr / Bibliothèque nationale de France

Mbreti Zog i Shqipërisë dhe Mbretëresha Geraldinë vazhdojnë, gjatë mërgatës së tyre, rrugën drejt Anglisë dhe Francës. Ata po priten në kështjellën e La Maye, në Versajë, ku dhe do të banojnë. Ne i shohim ata, këtu sipër, në Stamboll, duke u ngjitur në anijen « Bessarabia », për të shkuar në Konstancë, në Rumani. 

https://www.darsiani.com/la-gazette/fotografite-e-rralla-te-mberritjes-dhe-largimit-te-mbretit-zog-dhe-mbretereshes-geraldine-nga-stambolli-ne-shtypin-francez/

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithsej