Emergjencat Civile bëjnë me dije se rreth 8 vatra zjarri janë regjistruar brenda 24 orëve në të gjitha qarqet e vendit.
Në operacionet për shuarjen e zjarreve janë angazhuar 70 punonjës zjarrfikës, 14 automjete zjarrfikëse, 150 forca ushtarake, rreth 50 punonjës të Pyjores e të bashkive dhe vullnetarë, të mbështetur edhe nga helikopterë.
Bëhet me dije se në Malin e Taraboshit në Shkodër vijojnë të jenë aktive ende disa vatra zjarri.
Edhe në Malin e Munellës në Pukë vatra e zjarrit është ende aktive.
Në fshatin Bushat Shkodër, ka rënë zjarr në një sipërfaqe me shkurre dhe pisha pranë një ish-reparti ushtarak.
Edhe në qarkun e Lezhës vijon operacioni për shuarjen e një zjarri në një zonë malore në fshatin Lajthizë të Mirditës.
Në qytetin Laç, ka rënë zjarr në një sipërfaqe me shkurre dhe pisha pranë një ish-reparti ushtarak. Falë ndërhyrjes së menjëhershme të zjarrfikësve dhe forcave ushtarake është bërë e mundur që zjarri të shuhet plotësisht duke mos rrezikuar zonën e banuar.
Në fshatin Lurë Dibër, ka rënë zjarr në një sipërfaqe me shkurre dhe pisha. Për shkak të terrenit malor zjarrfikëset nuk kanë mundur të ndërhyjnë. Sot në mëngjes në operacion janë angazhuar edhe 30 forca ushtarake.
QARKU BERAT
Në fshatin Roshnik Berat, ka rënë zjarr në një sipërfaqe me shkurre dhe ullishte. Shërbimi zjarrfikës ka shkuar në vendngjarje dhe ka shuar flakët. Si pasojë e zjarrit u dogj një sipërfaqe prej rreth 3 dynym me shkurre dhe 40 rrënjë ulliri.
Në hyrje të qytetit Poliçan, ka rënë zjarr në një sipërfaqe me pisha. Pas ndërhyrjes së zjarrfikësve zjarri është shuar. Si pasojë u dogj një sipërfaqe e vogël me shkurre dhe disa pemë pishe.
