Zjarr i përmasave të mëdha ka përfshirë një apartament në katin e shtatë në zonë e Unazës së Re.
Flakët kanë përfshirë një apartament në katin e 7. Policia konfirmoi se në banesë, në momentin e rënies së zjarrit kanë qenë 4 persona, prindërit dhe 2 fëmijët.
Çifti së bashku me fëmijën 7-muajsh janë evakuuar, ndërsa fëmija 4-vjeçar kishte mbetur i bllokuar brenda banesës. Problematike është situata edhe për banorët e tjerë të pallatit, të cilët kanë pasur probleme për shkak të tymit. Shkak për zjarrin ka qenë një shkëndijë elektrike.
