Një avion ushtarak i Kilit me 38 persona në bord është zhdukur ndërsa autoritetet dyshojnë se avioni është rrëzuar.
Mediat e huaja raportojnë se operatorët humbën kontaktin vetëm një orë pasi u nisën drejt një baze në Antarktidë.
Ndërkohë një ekip shpëtimi po kërkon për 21 pasagjerët dhe 17 anëtarët e ekuipazhit që ishin në bord.
Forca ajrore “vazhdon kërkimin në sektorin ku humbi komunikimi me avionët, në mënyrë që të shpëtojë të mbijetuarit e mundshëm”, thuhet në një deklaratë.
Forca ajrore postoi një hartë në Twitter që tregon vendndodhjen e përafërt të aeroplanit përpara se të humbiste i cili ishte nisur nga Antarktida.
