Kandidati i Partisë Sociaiste në Bashkinë e Dibrës zhvilloi sot fushatën për zgjedhjet e pjesshme të 11 shtatorit, në Kalanë e Dodës, ku takoi zgjedhësit i shoqëruar nga deputeti Sadri Abazi dhe koordinatori i partisë Socialiste për qarkun, Damian Gjiknuri.
Kandidati Muharem Rama u shpreh disa prej angazhimeve të marra përsipër prej tij janë asfaltimi i rrugës Ceren-Radomirë-Rade, ngritja e mirëmbajta e kanaleve të ujit vaditës, subvencionet për blegtorinë, krijimi i një ujëmbledhësi për ujë të pijshëm (Ploshtan, Ceren), si dhe rregullimi i rrugës së fshatit Shullan dhe promovimi i turizmit.
“Do të ndërtojmë një baxho, do të rrisim ndjeshëm fondet për blegtorinë falë mbështetjes së qeverisë. Duke qenë se kjo është një zonë turistike që vizitohet nga turistë të huaj e vendas, ne do të bëjmë realitet rrugën e Radomirës. Këtë projekt do ta zbatojmë me prioritet të madh për t’i ardhur në ndihmë zhvillimit të turizmit malor. Ne po realizojmë projektin e madh të rehabilitimit të bulevardit në Peshkopi, por pavarësisht se kundërshtari thotë po i çojnë lekët në bashki, prioritet për ne do të jenë zonat rurale, ku edhe përqëndrohet një pjesë e madhe e popullsisë”, deklaroi Muharem Rama.
