48 orë pas mbylljes së kutive të votimit Joe Biden e sheh më afër Shtëpinë e Bardhë. Ai po rekuperon vota në Georgia, ku Presidenti Trump është përpara me vetëm 463 vota.
Shtetet përcaktuese për fitoren e njërit apo tjetrit kandidat janë Pennsylvania, Georgia, North Carolina, Arizona dhe Nevada. Në fakt, mjafton për Joe Biden vetëm fitorja në Pennsylvania. Për hir të së vërtetës në këtë shtet kryeson Trump me 18.229, por kandidati demokrat po e ngushton diferencën shumë orët e fundit.
Donald Trump ka shtuar deklaratat për vjedhje të zgjedhjeve, gjë që të bën të mendosh se po i humb shpresat për të fituar.
Por, kur do të dihet fituesi?
Ka gjasa që të mësohet brenda ditës së premte, por nuk është çudi të duhen dhe orë a ditë më shumë.
