Menjëherë pas procesit të votimit të 30 qershorit, opozita e bashkuar vijon sërish betejën kundër qeverisë së kryeministrit, Edi Rama.
Pikërisht në ditën kur Parlamenti do të kërkojë shkarkimin e Presidentit. Protesta do të mbahet në dy stacionet tradicionale, Kryeministri dhe Parlament.
Lideri i opozitës, Lulzim Basha ftoi përmes një videoje që shqiptarët të bëhen bashkë kundër diktaturës së krimit, në mbrojtje të lirisë dhe dinjitetit dhe përcolli mesazhin se nuk ka asnjë hap pas nga kërkesa për largimin e Ramës.
Ndërkohë për këtë protestë më shumë se 1500 efektivë policie do të jenë në terren.
