Një nga lehtësimet e bëra nga qeveria në zbutje të masave, mësohet se ditën e nesërme do të lejohet shërbimi taksi vetëm për lëvizjet brenda qytetit dhe në masa të rrepta sigurie për të liruar lëvizjen në këtë periudhë të vështirë të krijuar prej pandemisë Covid-19.
Mirëpo lëvizja e taksive do të shoqërohet nën masa të rrepta sigurie. Së pari në taksi mund të transportohet vetëm një pasagjet, taksisti dhe pasagjeri duhet të jenë të paisur me maska, doreza dhe me dezinfektantë me vete. Ajrosja e mjetit në mënyrë natyrale, pra kondicioneri duhet të jetë i fikur dhe dritaret e mjetit të qëndrojnë hapur pak, është një tjetër pikë që duhet respektuar. Po ashtu pas pagesës me kartë apo cash, shoferi dhe pasagjeri duhet të dezinfektojnë duart.
Ndërkohë shoferi pas çdo pasagjeri, duhet të dezinfektojë: timonin, dorezat e dyerve të mjetit, sediljet, rripat e sigurimit, kontrollet e dritareve, butonin e bagazhit. Më poshtë janë rregullat e plota që duhen zbatuar në rast udhëtimi me taksi, nga pasagjeri por edhe nga taksisti.
