Kryeministri i vendit Edi Rama së bashku me kryeparlamentarin Ilir Meta kanë zhvilluar mëngjesin e sotëm një takim në periferi të Tiranës, larg syve të publikut.
“BalkanWeb” mëson se në orën 09:00 kryeministri dhe kreu i Kuvendit janë takuar në ambientet e restorantit “Sofra e ariut” në dalje të kryeqytetit.
Burime pranë dy krerëve të mazhorancës pohojnë për “BalkanWeb” se takimi mes tyre ka zgjatur rreth 1 orë dhe se në të nuk ka qenë i ftuar askush tjetër.
Të njëjtat burime saktësojnë për “BalkanWeb” se Rama e Meta nuk kanë preferuar të ndajnë me bashkëpunëtorët e tyre më të afërt se çfarë ka ndodhur brenda takimit, por pritet që në vijim të saktësohet më në detaje jo vetëm tema e bashkëbisedimit por edhe tonet që kanë përdorur ndaj njëri-tjetërit dy aleatët qeverisës.
/BalkanWeb/
