Kryepeshkopi Anastas Janullatos gjendet prej ditësh në Greqi ku po kurohet për COVID-19. Mediat greke zbulojnë se gjendja e tij është stabilizuar dhe jashtë rrezikut për jetën.
Dërgimi i tij për t’u kuruar në Athinë ka zënë hapësirë në mediat greke, ku nuk kanë munguar profilet, mes të cilëve njëri zbulon disa detaje nga ajo që ndodhi në kohën e trazirave në Shqipëri në vitin 1997, raporton Albeu.
Pjesë nga shkrimi:
“Piramidat dhe snajperi.
Takimi me plumbat në 1997, para rënies së Berishës për skandalin e piramidave.
Dritarja me xham të dyfishtë ndërpreu drejtimin e plumbit drejtuar tij.
Plumbi u qëllua nga një snajper drejt zyrës së tij. Ai rrëfeu shumë vite më vonë: “Unë e mbaj dritaren, për të më kujtuar se jeta mund të përfundojë në një sekondë. Ne nuk duhet të humbasim asnjë ditë”,- kishte deklaruar në atë kohë ai.
/Albeu/
