Që prej ditës së djeshme 65 punonjës të AlbControl, kanë braktisur punën duke shkaktuar paralizimin e trafikut ajror në vendin tonë.
Qeveria drejtoi gishtin nga opozita, duke hedhur akuza të rënda se po nxit këtë situatë, për të dëmtuar shtetin shqiptar si dhe për të rritur pakënaqësinë te qytetarët.
Ministrja Balluku akuzoi ish-kryeministrin Sali Berishën dhe Presidentin e Republikës Ilir Metën si të përfshirë në këtë “grusht shteti”.
Mirëpo, le të kujtojmë që vetë Balluku la në krye të “Albcontrol” edhe një administratë, me drejtues sektorësh njerëz të besuar.
Ja disa prej emrave të “Rilindasve” të bordit në “Albcontrol”, që kanë lidhje familjare me shefat e politikës, ku një ndër to është edhe emri i djalit të Gramoz Ruçit pjesë e grushtit të shtetit kundër Edi Ramës.
1-Nerbis Qazimi, vëllai nga nëna i Fatmir Xhafajt..
2- Ana Shkëmbi, mbesa e gruas së Fatmir Xhafajt..
3-Ledio Ruçi, djali i kryetarit të Kuvendit Gramoz Ruçi.
4-Majlinda Karcanaj, shoqe e Linda Ramës.
5-Sulo Hadri, ish-dekan i fakultetit ekonomik, i cili ka pajisur me doktoraturë Taulantin e shumë rilindas të tjerë.
6-Genci Gjonçaj, i cili punon edhe sekretar i përgjithshëm i Kuvendit.
7-Ardit Çollaku, shok i Olsi Ramës, i cili punon edhe tek Agjencia Kombëtare e Turizmit.
8-Redi Fino, djali i ish deputetit Bashkim Fino.
9-Florjan Gjiknuri, djali i xhaxhait të Damjan Gjiknurit.
10-Martin Sterkaj, djali i deputetit Paulin Sterkaj.
11-Arlind Broci, djali i gjyqtarit Artan Broci.
12-Blerta Tushi Bushi, gruaja e kryetarit të Bashkisë Krujë, Artur Bushi.
13-Eneo Zguri, djali i ish kryetarit të KQZ-së, Klement Zguri.
14-Briselda Spahiu, vajza e Nazim Spahiut, kryetar i Bashkisë Skrapar.
15-Jona Bushi, ish shefe e kabinetit të kryeministrit Rama, gruaja e Eno Bushit, drejtor juridik i PS-së, avokat juridik i Edi Ramës.
