Kryeministri Zoran Zaev sqaron dilemat rreth të dhënave të regjistrimit të popullsisë në Maqedoninë e Veriut. Ai thotë se numri i përgjithshëm i popullsisë rezidente dhe asaj jorezidente do të mbetet baza e politikës së përfaqësimit të drejtë etnik dhe çështjes së përdorimit të gjuhës.
Zaev shton se Ligjet për të drejtat e shqiptarëve dhe bashkësive të tjera nuk do të ndryshohen, thotë Zaev.
“Ligji për përdorimin e gjuhëve, ligji për të drejtat e shqiptarëve dhe bashkësive më të vogla etnike, mbeten absolutisht të njëjtë dhe nuk ndryshohen assesi, varësisht nga numri i përgjithshëm i të regjistruarve, i rezidentëve dhe jorezidentëve. Këtu jemi pastër. Nuk ka procese retrograde. Kushtetuta është e qartë, ligjet janë të qartë dhe vazhdojnë të vlejnë. Ajo që do të ndryshojë sa u takon politikave ekonomike dhe sociale, është që nëse një fshat është zbrazur dhe nuk jetojnë më njerëz në atë fshat, ata para do të ridestinohen të mund të përdoren për në një fshat tjetër ose në qytet ku janë shpërngulur njerëzit”, tha Zoran Zaev.
