Kryetari i komisionit të Reformës në Drejtësi, Fatmir Xhafaj, i bëri thirrje gjykatës kushtetuese ti qëndrojë korrekt Komisionit të Venecias për ligjin e Vettingut , dhe të ushtroi pa humbur kohë funksionin që ka në interes të vendit. Komisioni i Venecias, tha ai, ka dhënë shtyllat kryesore ndaj gjykata ka shumë pak punë për të bërë.
Xhafaj: T’i qëndrojë korrekte asaj për të cilën të gjitha palët e përfshira në këtë proces kanë thënë, opinionit të Komisionit të Venecias. Besoj se është në përgjegjësinë e Gjykatës Kushtetuese, është në dinjitetin e anëtarëve të Gjykatës Kushtetuese që ta konsiderojnë një gjë tejet prioritare.
Xhafaj tha se Gjyqtarët Kushtetues janë para sfidës për të ruajtur integritetin që gjykata ka ndërtuar sipas tij ndër vite.
Deklaratat e Fatmir Xhafës erdhën pas mbledhjes së Komisionit Për reformën, ku nisi puna për shqyrtimin e 27 ligjeve të cilët plotësojnë dhe bëjnë funksional gjithë sistemin e drejtësisë. Në mbledhje mori pjesë edhe opozita.
