Kina dhe konkretisht qyteti i Wuhan ishte vatra kryesore e Covid-19, virusit vdekjeprurës që deri në këto momente i ka shkaktuar vdekjen mbi 64 mijë personave në gjithë botën.
Në pamjet e fundit që raportohen nga Reuters, duken mijëra qytetarë kinezë, që të dalë nga karantina kanë vizituar Malin e Verdhë në Huangshanm, provincën e Anhui në lindje të Kinës.
Siç duket nga fotot, njerëzit me maska dhe të pashqetësuar nga koronavirusi, janë me mijëra, ndërsa nuk ka kurrfarë distancë mes tyre, aqsa duket sikur këto pamje vijnë nga ndonjë planet tjetër dhe jo nga Kina, vatra më e madhe e virusit që ka paralizuar botën. Deri në këto momente raportohet se në mbarrë botën numri i personave të prekur nga Covid-19 është 1.205.801.
Sipas informacioneve më të fundit nga Kina, data 8 prill është edhe fundi i karantinës për Wuhan, ndërsa pritet që jeta të marrë një rrjedhë më normale, ndrësa data 15 e këtij muaji shënon edhe hapjen e shkollave të mesme.
