Vuçiç në spital, këshilltarja zbulon si është gjendja e Presidentit

Presidenti i Serbisë, Aleksander Vuçiç, është shtruar me urgjencë në Spitalin Ushtarak në Beograd, për shkak të disa problemeve kardiake që ka pasur.

Lidhur me këtë ka reaguar këshilltarja e presidencës serbe, Suzana Vasiljevic, e cila ka thënë se Vuçiç do të vazhdojë të qëndrojë në spital.

“Shëndeti i presidentit është i qëndrueshëm, por ai do të vazhdojë të qëndroj në spitalin ushtarak”, ka thënë Vasiljevic.

Mediat serbe bëjnë me dije se Vuçiç është pranuar në Spitalin Ushtarak në Beograd në orët e vona të së premtes.