Vrasja në Rrëshen, Lleshaj: Policia ka detyrën t’i shkojë dhe t’i trokasë në derë krimit

Duhet të lëçisni

Basha: Trau i Rrugës së Kombit do të hiqet me platformën anti-mafia

Kreu i Partisë Demokratike Lulzim Basha u zotua edhe njëherë këtë mbrëmje se trau i Rrugës së Kombit do të hiqet me qeverisjen e...

Visar Zhiti braktis Shqipërinë: Në vendin tonë, po përjetohet një demokraci e vështirë…

  Një tjetër intelektual, poet dhe shkrimtari i njohur, Visar Zhiti është larguar nga Shqipëria dhe ka vendosur të jetojë në Shtetet e Bashkuara të...

Zykaj: Tani janë 10 vende kundër hapjes së negociatave me Shqipërinë

Gazetarja e njohur, Erisa Zykaj, e cila raporton prej kohësh nga Brukseli, deklaroi për emisionin Çim Peka LIVE se nuk janë 5 vende kundër...

Basha: Rama do detyrohet të shkojë drejt mbylljes, përse s’heton prokuroria vdekjet nga covidi?

Kur kanë kaluar më shumë se dy javë nga denoncimi që bëri, Lulzim Basha i kërkon sërish prokurorisë që të hetojë shifrat e vdekjeve...

Pas vrasjes së Kastriot Reçit në Rrëshen, ministri i Brendshëm Sandër Lleshaj ka mbledhur drejtorët e policisë. Lleshaj ka kërkuar zbardhjen e disa vrasjeve që kanë ndodhur muajt e fundit dhe i ka kërkuar policisë që ti shkojë ti troksë në derë krimit, sidomos personave në kërkim.

Krimi i organizuar është prioriteti numër 1. Personat, që janë dënuar për veprimtari në fushën e krimit rë organizuar, të krimeve të rënda, të korrupsionit etj., pra janë disa nene të Kodit Penal, nëqoftëse janë dënuar për këto vepra, brenda apo jashtë shtetit, që janë hetuar apo janë proceduar për këto vepra, nga momenti i hyrjes në fuqi të ligjit, Policia ka detyrën t’i shkojë dhe t’i trokasë në derë, t’i thotë: – ti ke bërë 10 vjet (burg) për trafik droge? Po. Ke dhe këtë hotelin këtu. Tani, hoteli sekuestrohet, i vihet shiriti dhe ti shkon në gjykatë dhe provoje që është i yti“, – tha Lleshaj.

Lleshaj shtoi se për t’u përballur suksesshëm me zhvillime e fenomene të reja të krimit, do të ngrihet 4 Njësi të posaçme në Policinë e Shtetit, me ekspertët më të mirë.

Njoftimi i Ministrisë Brendshme:

Ministri i Brendshëm Sandër Lleshaj zhvilloi një analizë me 12 Drejtoritë Vendore të Policisë dhe drejtuesit qendorë, për rezultatet e vitit që lamë pas, problematikat si dhe u diskutuan prioritetet për vitin 2020. Drejtori i Përgjithshëm Ardi Veliu vlerësoi arritjet e një viti të tej-ngarkuar për Policinë e Shtetit, ku u garantuan parametrat e sigurisë dhe rendit publik. Mes 12 qarqeve u evidentua puna parandaluese e Policisë së Kukësit, që nuk evidentoi asnjë vrasje për vitin 2019.

Ministri Lleshaj renditi në fund të mbledhjes prioritetet kryesore për 2020, me fokus të veçantë luftën kundër krimit të organizuar dhe sigurinë rrugore. Ai tha se shpejt do të jetë gati dhe miratohet paketa e njohur si “KÇK”.

“Krimi i organizuar është prioriteti numër 1. Personat, që janë dënuar për veprimtari në fushën e krimit rë organizuar, të krimeve të rënda, të korrupsionit etj., pra janë disa nene të Kodit Penal, nëqoftëse janë dënuar për këto vepra, brenda apo jashtë shtetit, që janë hetuar apo janë proceduar për këto vepra, nga momenti i hyrjes në fuqi të ligjit, Policia ka detyrën t’i shkojë dhe t’i trokasë në derë, t’i thotë: – ti ke bërë 10 vjet (burg) për trafik droge? Po. Ke dhe këtë hotelin këtu. Tani, hoteli sekuestrohet, i vihet shiriti dhe ti shkon në gjykatë dhe provoje që është i yti.

Prioriteti numër 2, siguria rrugore! Siguria rrugore na vret më shumë njerëz se sa krimi i organizuar. Jo më shumë, por 5 herë më shumë. Çfarë do të bëjmë? Do të ndryshojmë Kodin Rrugor, do të ashpërsojmë masat, do të ashpërsojmë kontrollet, do të modernizojmë kontrollet, do të luftojmë fort për integritetin e punonjësve. Pra do të punojmë në të gjitha drejtimet, do të punojmë shumë për edukimin e qytetarëve nëpërmjet medias, përmes shkollës, përmes aktiviteteve të tjera”, u shpreh ministri i Brendshëm.

Ai shtoi se për t’u përballur suksesshëm me zhvillime e fenomene të reja të krimit, do të ngrihet 4 Njësi të posaçme në Policinë e Shtetit, me ekspertët më të mirë.

“Do të bëjmë ndryshime të rëndësishme krahasuar me vitin e kaluar. Do bëjmë ndryshime në strukturë, e para. Do të krijojmë Njësi të specializuara për të luftuar ato fenomene kriminale, të cilat kërkojnë specializim. Do të krijojmë Njësi të reja, të cilat do të jenë:
– “Njësia E”, që është Krimi Ekonomik. Njësi e fortë, e specializuar, me ekspertë, e trajnuar, e pajisur, e cila do të trajtojë krimin ekonomik në kuptimin e krimit të organizuar, krimit të sofistikuar.
– Njësia tjetër do të jetë “Njësia I”, informacioni, inteligjenca. Këtu kërkohet dhe do të bëhet ndryshim thelbësor. Rrjetet e informacionit duhet të kthehen në rrjete profesionale.
– E treta, është “Njësia C”, e Krimit Kompjuterik. Edhe për krimin kompjuterik nuk besojmë që mund të krijojmë ekspertizë në nivel drejtorish vendore, është e pamundur dhe e panevojshme. Dhe do të përqendrojmë energjitë për të krijuar një strukturë të specializuar të krimit kompjuterik.
– Është krijuar në fakt struktura “Njësia K”, që ka të bëjë me kapjen e personave në kërkim. Gjithë kjo njësi është prapë një strukturë e specializuar, e cila është një strukturë gjahtarësh që do të ketë detyrë kapjen e personave të listës prioritare”, theksoi zoti Lleshaj.

Ministri kërkoi nga gjithë strukturat policore angazhim të fortë për luftën kundër trafiqeve dhe kontroll të rreptë të territorit. Masat për luftën kundër kanabisit do të nisin që në ditët e para të Janarit, e po ashtu edhe përgatitjet për mbarëvajtjen e sezonit turistik.

Ai nënvizoi si një tjetër prioritet kryesor të Ministrisë së Brendshme në tërësi, e Policisë gjithashtu, ofrimin e shërbimeve online për qytetarët. Që prej 1 janarit MB ofron 48 shërbime të tilla, që do të pasohen nga një tjetër paketë shërbimesh në Qershor 2020.

Më shumë shkrime

Lër një përgjigje

Ju lutem lini komentin tuaj!
Ju lutem vendosni emrin këtu

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

E Freskët taze

Basha: Trau i Rrugës së Kombit do të hiqet me platformën anti-mafia

Kreu i Partisë Demokratike Lulzim Basha u zotua edhe njëherë këtë mbrëmje se trau i Rrugës së Kombit do të hiqet me qeverisjen e...

Visar Zhiti braktis Shqipërinë: Në vendin tonë, po përjetohet një demokraci e vështirë…

  Një tjetër intelektual, poet dhe shkrimtari i njohur, Visar Zhiti është larguar nga Shqipëria dhe ka vendosur të jetojë në Shtetet e Bashkuara të...

Zykaj: Tani janë 10 vende kundër hapjes së negociatave me Shqipërinë

Gazetarja e njohur, Erisa Zykaj, e cila raporton prej kohësh nga Brukseli, deklaroi për emisionin Çim Peka LIVE se nuk janë 5 vende kundër...

Basha: Rama do detyrohet të shkojë drejt mbylljes, përse s’heton prokuroria vdekjet nga covidi?

Kur kanë kaluar më shumë se dy javë nga denoncimi që bëri, Lulzim Basha i kërkon sërish prokurorisë që të hetojë shifrat e vdekjeve...

FMN: Covid-19 goditi ekonominë shqiptare, paketa e ndihmës për qytetarët më e ulëta në Ballkan

Është publikuar raporti i FMN për Shqipërinë, lidhur me ndikimin që pati pandemia globale e koronavirusit. Në raport thuhet se Covid-19 goditi dhe dëmtoi ekonominë...