Prokuroria e Tiranës ka dorëzuar në Gjykatën e Tiranës kërkesën për caktimin e masës e sigurisë të katër të arrestuarve në lidhje me vrasjen e 26 vjeçarit Indrit Çelaj në Tiranë.
Prokuroria ka kërkuar arrest me burg për katër të arrestuarit, ku përfshihej pronari i vilës që po rikonstruktohej, Bujar Kusi, Edmond Sula, Ferdinand Bakalli dhe Luan Çaka.
Tre të arrestuarit e tjerë dyshohet se kanë qenë dëshmitarë okularë në vendngjarje në momentin kur është qëlluar 26 vjeçari dhe nuk kanë lajmëruar policinë.
Sipas prokurorisë masa e sigurisë për katër të arrestuarit do të caktohet ditën e nesërme.
