Ismail Morina është kërcënuar nga krimineli serb Milorad Luković “Legija”, i cili po vuan dënimin për vrasjen e ish-kryeministrit Zoran Xhinxhiç.
“Huliganin shqiptar e pret “kryqëzimi i përgjakshëm”, “Legija” po përgatit mirëpritjen e Morinës!” shkruan gazeta serbe ‘Alo’.
Sipas gazetës serbe “Alo”, serbi është shprehur se po përgatit bordin e mirëpritjes në një “dush të ajrosur” për ‘Ballistin’ nëse do të ekstradohet në burgjet serbe.
Ballist Morina ndodhet në burgun kroat në pritje të vendimit për ekstardim në Serbi për t’u gjykuar për dronin që ngriti para tre vitesh në Beograd.
Gjykata e Shkallës së Parë vendosi pro, por Ballisti beson se Gjykata e Lartë do ta rrëzojë këtë vendim.
