Partitë opozutare nuk përjashtojnë opsionin e shtyrjes së datës së zgjedhjeve
Votimi e numërimi elektronik konsiderohet një kërkesë e panegociueshme e opozitës, ndërsa krerët e partive aleate të PD thonë se do të përdoret çdo mekanizëm demokratik për të arritur në këtë.
Dashamir Shehi i LZHK në një intervistë për report tv, thotë se nëse maxhoranca nuk e ka vullnetin për të futur teknologjinë në zgjedhje e cila sipas tij teknikisht është e mundur, atëherë opozita do të përshkallëzojë aksionin e saj me protesta e deri në bojkot të kuvendit.
Në të njëjtën linjë flet edhe Nard Ndoka i PDK, por ky i fundit preferon betejë në parlament dhe bojkoti të jetë veprimi i fundit që mund të ndërmarrë kjo opozitë.
Por të dy aleatë e PD shfaqen hapur me qëndrimin e OSBE për këtë çështje, ndërsa mendojnë se ky proces është tërësisht Shqipëri dhe i përket vullnetit politik në vend.
Mungesa e kohës për teknologjinë në zgjedhje nuk duhet të jetë alibi për të mos siguruar standarde në zgjedhje, thonë Ndoka e Shehi.
Ata nuk përjashtojnë opsionin e shtyrjes së datës së zgjedhjeve, por Nard Ndoka flet për një qeveri tranzitore si ajo në Maqedoni.
Para pak ditësh 22 parti aleate të PD nënshkruan një memorandum të përbashkët ku kërkojnë specifikisht impelemtimin e teknologjisë në zgjedhje.
/reporttv/
