Kryetarja e Bashkisë së Shkodrës, Voltana Ademi ka falenderuar përzemërsisht Ambasadorin e Republikës së Italisë në vendin tonë i cili zhvilloi sot një takim me Agron Kapllanaj, kryetar i Bashkisë Mallakastër dhe Xhelal Mziu, kryetar i Bashkisë Kamëz.
Në një postim në Facebook, Voltana shkruan se gjatë takimit u zhvillua një bisedë tejet konstruktive, ku përcollën të gjitha shqetësimet, për të cilat kishin vëmendjen e plotë të ambasadorit Cutillo.
Ja postimi i plotë i Voltana Ademit:
Falenderoj përzemërsisht Ambasadorin e Republikës së Italisë në vendin tone SHT Z. Alberto CUTILLO për përgjigjen ndaj letrës që unë, si kryetare e Bashkisë dhe qytetare e Shkodrës, i dërgova si përfaqësues i një vendi mik dhe me lidhje të ndërsjellta shekullore.
Në Ambasadën e Republikës së Italisë me Z. Ambasador, bashkë me kolegët z. Agron Kapllanaj kryetar i Bashkisë Mallakastër dhe z. Xhelal Mziu, kryetar i Bashkisë Kamëz, zhvilluam një bisedë tejet konstruktive, ku përcollëm të gjitha shqetësimet tona tashmë të njohura e publike.
Gjetëm vëmendjen e tij të plotë për çfarë diskutuam dhe çeshtjet e rëndësishme që ngritëm për funksionimin normal të sistemit demokratik në përgjithësi dhe të qeverisjes vendore në veçanti.
#FaleminderitAmbasadorCutillo
