Kryetarja e Bashkisë Shkodër, Voltana Ademi ka akuzuar kryeministrin Rama se qytetarët nuk knaë kryer testimet në masë për koronavirusin dhe se e ka lënë mënjanë Shkodrën.
Kryebashkiakja Ademi shprehet se neglizhenca ka sjellë humbjen e jetës për një person me COVID-19 të shtunë, teksa ai nuk ia doli të shkonte në Spitalin Infektiv në Tiranë.
“Edi Rama po përpiqet që t’ia hedhë fajin qytetarëve të Shkodrës. Përmes ministrit të Brendshëm, po mundohet t’I hedhë fajin pushtetit vendor. Ne jemi duke lehtësuar barrën e kësaj situate me kaq mundësi sa kemi, por nuk bëjmë dot evidentimin epidemiologjik. Sot, në tregun e Rusit ministri Lleshaj e pranoi vetë se ka më shumë shitës se blerës. Telefonatave të qytetarëve shkodranë iu është refuzuar shërbimi dhe testi për covid-19.
Të shtunën vdiq në Shkdoër një person në spital, pa u dërguar në Tiranë prej neglizhencës. Nuk duhet që në asnjë mënyrë të sulmojnë qytetarët e Shkodrës për t’I përdorur politikisht. Rama nuk duhet të shpikë armik tjetër. Për shkodranët dhe shqiptarët armiku është Covid-19. Kërkojmë rritje të testeve si dhe ndihmave ushqimore, pasi qytetarët janë në hall të madh. Kam kërkuar edhe sot diçka të tillë, por kanë rënë në veshë të shurdhërt. Ju bëj thirrje qytetarëve shkodranë që të zbatojnë rregullat dhe distancimin social, për të kaluar këtë pandemi.
T’I vijë në ndihmë qytetarëve të Shkdorës, t’I vijë në ndihmë personave që kanë nevojë dhe janë në vështirësi. Shpresoj që në Shkdoër të jenë mirë dhe mos kenë nevojë për ndihmë shëndetësore prej Covid-19”, u shpreh Ademi.
