Ish-deputetja e Partisë Demokratike, Albana Vokshi ka reaguar sot pas lajmeve në lidhje me sulmet e shumta ndaj gazetarëve dhe punonjësve në media.
Vokshi shprehet se Shqipëria po bëhet gjithmonë e më shumë një vend i rrezikshëm për lirinë dhe punonjësit e medias.
Ish-deputetja gjithashtu thekson se çlirimi i medias nga sulmet arrihet vetëm me largimin e Ramës nga Kryeministria.
Statusi i Albana Vokshit:
Para disa ditësh, Reporterët pa Kufinj deklaruan që:
“Sulmet ndaj medias si nga qeveria, ashtu edhe nga krimi i organizuar arritën në një nivel të paprecedentë në 2018”. “#Gazetarët që janë subjekte të fyerjes, kërcënimeve me vdekje dhe procedimeve ligjore, që synojnë t’i intimidojnë dhe t’i frenojnë ata nga investigimi i korrupsionit”. Raporti bën fajtor Kryeimistrin @Rama i cili përdor gjuhë agresive ndaj gazetarëve duke i quajtur “kazan dhe fabrika lajmesh të rreme”.
Mbrëmë, Organizata më e madhe ndërkombëtare për mbrojtjen e gazetarëve, “Komiteti për Mbrojtjen e Gazetarëve – CPJ Europe and Central Asia / Committee to Protect Journalists”, publikoi një sërë statusesh në rrjetin social Twitter, ku shpreh shqetësimin e thellë për gjendjen alarmante të medias dhe terrenin e rrezzikshëm ku punojnë gazetarët në Shqipëri.
“Vetëm në 18 muajt e fundit, #gazetarët janë qëlluar me plumba në shtëpitë e tyre, janë kërcënuara më armë zjarri, ndaj tyre është përdorur gaz në rrugë, janë kërcënuar me jetë edhe live në televizione, ju është revokuar leja e qëndrimit, janë targëtuar në fushata përbaltjeje si dhe janë paditur.” “Të panumërta janë rastet e gazetarëve shqiptarë të ngacmuar, që kanë humbur vendet e punës ose janë kërcënuar me pushim nga puna dhe shumica e atyre që bëjnë raportime të pavarura, nuk përdorin emrat e vërtetë nga frika e përndjekjes.”
“#Shqipëria cdo ditë e më shumë po bëhet një vend i rrezikshëm për punonjësit e medias – raporton Exit.al. #LiriaEMEdias
https://tëitter.com/CPJ_Eurasia/status/1121088921126035456
Nën regjimin e Edi Ramës, nuk ka siguri për gazetarët e nuk ka media të lirë. Clirimi i medias në Shqipëri, vetëm me largimin e Edi Ramës.
