Deputetja dhe anëtarja e Komisionit të Rithemelimit, Albana Vokshi në një deklaratë për mediat, ka njoftuar përfundimin e procesit të numërimit të votave për zgjedhjen e kryetarit të Partisë Demokratike. Sali Berisha është zgjedhur sërish krye të kësaj force politike me një diferencë të thellë votash. Vokshi është shprehur se ky është një nga proceset më transparente dhe të besueshme të kryera ndonjëherë.
“Është një nga proceset më transparente dhe të besueshme të kryera ndonjëherë. Qoftë me zgjedhjet në degë, që kulmoi sot në zgjedhjen e kryetarit të PD-së. Kjo ka shpjeguar pjesëmarrjen e lartë të demokratëve në ditën e sotme” – tha Vokshi.
Ndërkohë në selinë blu këtë mbrëmje janë mbledhur militantë të shumtë dhe nga momenti në moment, pritet që në shtëpinë e demokratëve të shkojë edhe ish-kryeministri. Sipas njoftimit të Komisionit të Rithemelimit, ai pritet të mbajë një konferencë për mediat. Kujtojmë se në garë për kreun e PD, veç Berishës ishte dhe Ibsen Elezi.
Ish-kryedemokrati i Kukësit nuk arriti që të fitonte mbështetjen dërrmuese të demokratëve dhe votat e tij ishin të pamjaftueshme për të rivalizuar Berishën.
