Pas shoqërimit të deputetes Dhurata Çupi, dhe Kryetares së Forumit Rinor të Matit, Denisa Vata ka reaguar edhe ish-deputetja e Partisë Demokratike, Albana Vokshi.
Në një postim në Facebook, Vokshi shprehet se shqiptarët nuk do të lejojnë që kryeministri Edi Rama të prekë gratë edhe vajzat vetëm për të ruajtur pushtetin e tij.
“Edi Rama, do të paguash për cdo akt dhune ndaj cdo gruaje e vajze shqiptare. Burg për Edi Ramën dhe bandën e tij të hajdutëve”- shkruan më tej Vokshi.
Postimi i plotë:
Dhunimi i grave, arrestimi i deputetes Dhurata Çupi, dhe Kryetares së Forumit Rinor të Matit, Denisa Vata, është akt i paprecedent kriminal provokimi ndaj shoqërisë shqiptare.
Për të ruajtur pushtetin e tij kriminal, Edi Rama po guxon të dhunojë edhe gratë dhe vajzat. Shqiptarët nuk do të lejojnë këtë. Gratë shqiptare nuk do ta lejojnë këtë!!
Edi Rama, do të paguash për cdo akt dhune ndaj cdo gruaje e vajze shqiptare!!
Liri të menjëhershme për gratë që mbrojnë Kushtetutën dhe demokracinë!
Burg për Edi Ramën dhe bandën e tij të hajdutëve!
