Ylli i ri dhe i vetëm i politikës kosovare në këto 20 vjetët e fundit, Vjosa Osmani ka gjasë të përballet me xhaketat e vjetra të LDK-së, pasi nuk e mbështeti rrëzimin e qeverisë së Albin Kurtit.
Në një intervistë për emisionin “Pressing” në T7, kryetari i LDK-së, Isa Mustafa foli për qëndrimin e deputetëve, të cilët nuk e votuan rrëzimin e qeverisë Kurti.
“Nuk është e natyrshme që njerëzit brenda LDK-së të jenë për LDK-në dhe të votojnë në kundërshtim me vendimet e LDK-së. Natyrisht që ne flasim për vendime demokratike brenda LDK-së, por kjo tejkalon këto. Kur merret vendimi sidomos ata që mbajnë pozita të larta brenda LDK-së duhet që t’i përmbahen. Nuk po themi se do të marrim masa ndaj deputetëve, por do të bisedojmë që të ndalen këto praktika’’.
Është e qartë që skenari po shkruhet dhe si skenarist kreut të LDK-së nuk ia ha qeni shkopin.
