Nga Samiti me kryeministrat e Ballkanit në Durrës, kryeministri Rama u është përgjigjur autoriteteve holandeze që kërkojnë të pezullohet lëvizja e lirë për shqiptarët.
Rama u shpreh se refuzon që shqiptarët të shenjëstrohen si kriminelë, pasi sipas tij krimi nuk ka kombësi e flamur.
“Refuzoj ta pranoj shënjestrimin e shqiptarëve qofshin ata azilkërkues, qofshin ata që kryejnë krime, e jepet si një arsye për të treguar me gisht Shqipërinë.
Kriminelët janë kriminelë kudo dhe pa dallim, ata duhet të përgjigjen para ligjit kudo dhe pa dallim, s’ka flaumur, s’ka kombësi ka thjesht raport me ligjin. E refuzoj cdo përpjekje politike, mediatike në vendet e rajonit për të treguar me gisht një të ashtuquajtur krim shqiptar, apo ballkanik apo nacional.
Kushdo e merr atë rrugë hyn në një rrugë që ka vetëm humbje, të bëjmë cmos të përshpejtojmë procesin e integrimit dhe të kemi më shumë akses në tregun e lirë të punës”, tha Rama.
